சீதா இராம கல்யாணம்

சீதா இராமன் கல்யாணம் பற்றிய கவிதை

பாருலகில் இருக்கும் 

அனைவரும் அங்கே தான் 

திரண்டு இருந்தனர் !

வந்தவருக்கு அயோத்தியர்

வந்தனம் வைத்தனர்,

அத்தனை லாவண்யங்களும் 

அங்கே வந்திருந்து

 காவியங்கள் பாடின!

ரோஜா இதழ்களும் 

அன்றொரு நாள் 

பனித்துளிகள் தம்மை 

தீண்டாமலிருக்கச் சபித்துவிட்டது !

அது அந்த ஜனக 

மந்திரி குமாரிக்காக!

ஆயிரமாயிரம் தீபிகம் 

அவளை ஆர்த்தித்து ,

ஆரமார வரவேற்றது!

ஐஸ்வரியங்களை அள்ளி 

அந்த அரங்கம் பூசிக் குளித்தது!

அவளின் பார்வை 

மலரின் மதுவைத் திருடி 

தேன்விழியாய் இனித்தது!

அவளின் சாயம் 

செந்தாமரை நிறத்தைச் 

சிந்தாமல் பருகி,

வெண்டாமரை ஆக்கிய

விஷயம் யாரும் அறியார்!

இராகத் தேவதை 

சண்முகப்பிரியா அவளது 

காலில் ஒலிக்க,

மனோகரச் சௌமியத்தை 

இடையிலே கொண்டும்,

இராஜ சௌமியத்தை

 நடையில் கொண்டு 

என்றுமே வெற்றி தரும்

ஜெய லட்சுமியாய் 

அரங்கத்தில் புகுந்தாள்!

தர்ஷனப் பொலிவுடன்

ஸ்ரீஜாதிகாவாக வருகை புரிந்தாள்!

நட்சத்திரங்கள் பூக்களாய் 

ஆசிர்வதிக்க நிகழ்ந்தது 

ஒரு வைஷ்ணவ வைபோகம்!

இந்தவோரு நிகழ்வு,

சீதையை இராமன் 

கரங்களையும் பற்ற வைத்தது,

அவளின் கற்பிற்கான 

ஜுவாலையையும் பற்ற வைத்தது !