என்னை வெளிவிடுங்கள்

வீட்டுச்சிறையில் இருக்கும் அனைவரின் மனநிலை பற்றிய கவிதை

 

என்னை வெளிவிடுங்கள் !

நான் பல சுகங்களால்

அனுபவப்பட வேண்டும் .

 கதவைத் திறந்துவிடுங்கள் !

ஞாயிற்றின் வெப்பம்

என்மேல் படர வேண்டும் .

மழைத்துளிகளை நான்

ஸ்பரிசிக்க வேண்டும் !

மண்வாசனையை முகர்ந்து நான்

மூச்சுப்பிடிக்க வேண்டும் !

மரயிலைகளின் நரம்புகளைப்போல்

ஓவியம் வரைய வேண்டும் !

மலர்களின் இதழ்களைப்போல்

கவிதை வடிக்க வேண்டும் !

மகரந்தத் தேனுக்கு நான்

பதில் பாடல் பாடவேண்டும் !

மங்கும்முன் வண்ணங்களை நான்

என்மேல் பூசிக்கொள்ள வேண்டும் !

மணிக்குயில் ஓசையோடு மலையில்

என்னிரைச்சல் எதிரொலிக்கவேண்டும் !

என்னை வெளிவிடுங்கள் !

கதவைத் திறந்துவிடுங்கள் !