சாட்சி

தற்கொலைக்குச் சாட்சியான மின்விசிறி பற்றிய கவிதை

 

நிலவொளியும் தேய்ந்த அந்த நள்ளிரவில் ,

வாகன இரைச்சல்களும் அடங்கிய அந்தவீதியில் ,

அறையின் மின்விளக்கு சற்று மங்கியபடி எரிய ,

மின்சார உயிர்போய் மெதுவாகச் சுழன்ற

விசிறியின் நிழல் ,

அதோ! அந்த மேசையில் இருந்து

ஏறத்தாழத் தனது உதிரமான மையை

நுனியில் பிடித்திருந்த பேனாவைக்கொண்டு

என்ன எழுதுகிறாள் அவள் ?

எனச் சுழன்று சுழன்று பார்த்தது ,

தலைச்சுற்றி மயக்கமடைந்த விசிறி ,

காலையில் கண்விழித்து !

இரவில் அது கொண்ட கேள்விக்கு இப்போது ,

இதோ! படுக்கை மேல் இருக்கும்

அவளது பிணம் பதில் கூறுகிறது .....