நான் யார்?

நான் யார் என்ற கேள்விக்கு பதில்

 

என்னை யார் என்று கேட்காதீர் !

உங்களைப் போலவே நானும் ,

வழிதவறி வந்தவள் தான் !

 

அனுப்புநர் இல்லா கடிதத்தின்

அர்த்தமற்ற புதிர் தான் !

 

முகவரி இல்லா வீட்டைச்

சுமந்து கொண்டே ஊர்ந்து

தேடும் நத்தை தான் !

 

உங்களைப் போலவே நானும் ,

உடைந்த என்வதனத் துகள்களை

அள்ளிச் செல்ல வந்தவள் தான்!

 

கருநீலக் கடலில் தொலைந்த என் ஆவி

தைக்கும் ஊசியைத் தேட வந்தவள் தான் !

 

முகத்தை மறைத்து எனது

முகவரியைத் தேடவந்தவள் தான்!

 

உங்களைப் போலவே நானும்

உச்சியில் துளிர்த்த இலையாய்

 வேரைத் தேடுகிறவள் தான்!

 

தொலைந்த என்ஞானத் தேடலுக்காக

இதயத் துடிப்பை இரவல் வாங்கி

வந்தவள் தான் !

 

என்னை யார் என்று கேட்காதீர் !

உங்களைப் போலவே நானும்...